बसन्त ऋतु बनि आयौ तिमी,
पूर्णिमाको जून बनि आयौ तिमी,
पराई तिमी, ईश्वर बनि आयौ तिमी,
भौंतारिदै थिए सायद पाईलाहरु कतै मेरा, गन्तव्य बनि आयौ तिमी,
खै के बनेर आयौ तिमी मेरो जिवनमा।
मेरो जीवनको अर्थ बनि आयौ तिमी,
मेरो कमिको पूर्णता बनि आयौ तिमी,
मेरो जीवनको सप्तरंगी इन्द्रेणी बनि आयौ तिमी,
मेरो खास बनि आयौ तिमी,
खै के बनेर आयौ तिमी मेरो जिवनमा।
मेरो आँसुको मूल्य बनि आयौ तिमी,
मेरो हारको हिम्मत बनि आयौ तिमी,
मेरा हरेक प्रयासको सफलता बनि आयौ तिमी,
मेरो हरेक सफलताको खुशी बनि आयौ तिमी,
खै के बनेर आयौ तिमी मेरो जिवनमा।
म, बिना सन्तानको आमा बनि आयौ तिमी,
मेरो वयस्कको वालापन बनि आयौ तिमी,
मेरो हरेक गल्तीको माफी बनि आयौ तिमी,
मेराे संरक्षण बनि आयौ तिमी,
खै के बनेर आयौ तिमी मेरो जिवनमा।
शुद्ध जलको हिरा बनि आयौ तिमी,
ममताको छुट्टै परिभाषा बनि आयौ तिमी,
मायाको बेग्लै खानी बनि आयौ तिमी,
प्रेमको सुन्दर आभाष बनि आयौ तिमी,
यसरी नै सधैं भरी तिमी विभिन्न रूपमा मेरो लागि आइदिरहनु है सानु ।
मेरो हरेक कमीहरुलाई पूरा गर्दै सधैं तिमी संगै राखहै सानु।
मलाई माया गर्ने तिमी त छौ एउटा ।
I Love You ♥️♥️♥️♥️🌹🌹
Happy Propose day Mero Maya ♥️♥️.
उर्मिला श्रेष्ठ
खाँदबारी -९, संखुवासभा,
लेखक हाल ग्लोबल आइएमई बैंकमा कार्यरत हुनुहुन्छ ।
