काठमाडौं । अन्तिम समयको पेनाल्टी गोलमा लिभरपुलले इंग्लिस प्रिमियर लिगको पहिलो खेलमा न्युक्यासल युनाइटेडविरुद्ध २–२ को बराबरी गरेको छ । आइतबार सेन्ट जेम्स पार्कमा पाहुना टोली लिभरपुलका कोडी गाक्पो र डोमोनिक स्जोबोस्जलाइले गोल गरे । घरेलु टोली न्युक्यासलका एन्थोनी एलांगा र जो विलकले गोल गरे ।
खेलको पाँचौँ मिनेटमै एलांगाको गोलबाट न्युक्यासलले अग्रता लिएको थियो । ५५औँ मिनेटमा गाक्पोले लिभरपुललाई बराबरीमा ल्याए । विलकले ५७औँ मिनेटमा गोल गर्दा न्युक्यासल २–१ ले अगाडि बढ्यो । हारतर्फ उन्मुख लिभरपुलले खेलको अन्त्यतिर पेनाल्टी अवसर प्राप्त गर्यो ।
इन्जुरी समयमा प्राप्त पेनाल्टीलाई गोलमा परिणत गर्दै स्जोबोस्जलाईले न्युक्यासल युनाइटेडबाट अंक खोसे । यो नतिजासँगै दुवै टोलीले एक–एक अंक जोडेका छन् । आइतबारै सम्पन्न अन्य खेलमा ब्राइटनले एस्टन भिल्लालाई ४–० र म्यानचेस्टर सिटीले बर्नमाउथलाई २–१ ले पराजित गरे ।
