काठमाडौं । मुटुसम्बन्धी समस्याका कारण वाग्मती प्रदेशका पूर्वमुख्यमन्त्री अष्टलक्ष्मी शाक्यको आकस्मिक रूपमा ‘एन्जियोप्लास्टी’ शल्यक्रिया गरिएको छ । बिहीबार (असार ३२) बिहान पाटन स्वास्थ्य विज्ञान प्रतिष्ठानमा उनको शल्यक्रिया गरिएको हो । नेकपा (एमाले)का पूर्वउपाध्यक्ष शाक्य हाल सघन उपचार कक्षमा उपचाररत् छिन् ।
अस्पतालको मुटुरोग विभागका प्रमुख डा. अशोक अधिकारीका अनुसार, नेत्री शाक्यलाई बिहीबार बिहान छाती दुखेका कारण अस्पताल ल्याइएको थियो । परीक्षणबाट हार्ट अट्याक (एक्युट मायोकोर्डियल इन्फरक्सर्न) देखिएकाले एन्जियोप्लास्टी गरिएको हो ।
शल्यक्रियामा डा. अधिकारी, डा. प्रबिन्द्र महर्जन, डा. आनन्द जिसीको टोली संलग्न थियो ।
