काठमाडौं। शिक्षा, विज्ञान तथा प्रविधि मन्त्री महावीर पुनले फेसबुकमार्फत कुनै पनि औपचारिक कार्यक्रममा आफूलाई नबोलाउन आग्रह गर्नुभएको छ। उहाँले विशेष गरी उद्घाटन र शिलान्यास कार्यक्रममा प्रमुख अतिथिका रूपमा निम्तो नपठाउन अनुरोध गर्नुभएको हो।
उहाँले फेसबुकमा लेख्नुभएको छ, ‘मेरो सम्पूर्ण समय काममा लगाउन चाहन्छु, अनावश्यक समारोहमा सहभागी हुने छैन । कृपया कसैले पनि र कहीँबाट पनि मलाई उद्घाटनरशिलान्यास, प्रमुख अतिथि हुने जस्ता कुनै पनि औपचारिक कार्यक्रममा निम्तो नगर्नुहोला ।’
उहाँले युनेस्कोको उज्बेकिस्तानमा हुने महासभा र ब्रिटिश काउन्सिलको नाइजेरियामा आयोजित सम्मेलनमा समेत नगएको जानकारी दिनुभएको छ। अत्यावश्यक कामबाहेक मन्त्रीहरू विदेश भ्रमणमा गएका छैनन्,’ उहाँले स्पष्ट पार्नुभएको छ । ‘विदेश घुम्यो भन्ने हल्ला नगर्नुहोस् ।’
