काठमाडौं । गत बिहीबार पाकिस्तानको ब्रोड पिक आरोहणका क्रममा हिम पहिरोमा परी मृत्यु भएका विश्वप्रसिद्ध पर्वतारोही निर्मल पुर्जा (निम्स दाई) सहित १० जनाको आरोहीको शव संकल गर्ने कार्य सुरु भएको छ ।
पुर्जाका व्यावसायिक साझेदार तथा प्रतिनिधिसभा सदस्य मिङ्गमा डेभिड शेर्पाका अनुसार आइतबार (साउन १७ गते) उनीहरूको शव क्याम्प–१ सम्म ल्याउने योजना छ । “आज ग्राउन्ड टिमबाट प्राप्त जानकारीअनुसार टोली हालको स्थानबाट क्याम्प–१ सम्म ल्याउने योजनामा छ । त्यसपछि भोलि टोली जापानी क्याम्प ल्याउने जानकारी छ । मौसम र हिमालको अवस्थाले साथ दिएमा जापानी क्याम्पबाट हेलिकोप्टर सम्भावना रहेको छ,” शेर्पाले पाकिस्तानबाट आफ्नो फेसबुक पेजमा लेखेका छन् ।
यस अभियानको मुख्य उद्देश्य आरोहीको शव सुरक्षित रूपमा उद्धार गरी सम्मानपूर्वक घर फर्काउनु रहेको शेर्पाको भनाइ छ । “उद्धार अभियानमा संलग्न सम्पूर्ण टोलीको सुरक्षा हाम्रो सबैभन्दा ठूलो प्राथमिकता हो । हरेक निर्णय टोलीको सुरक्षालाई सर्वोच्च प्राथमिकतामा राखेर लिइँदै छ,” शेर्पाले भनेका छन् ।
