काठमाडौँ । नेपाल कम्युनिष्ट पार्टी (एकीकृत समाजवादी) लुम्बिनी प्रदेश सम्पर्क कमिटीको अध्यक्षमा पाल्पाका मिन प्रसाद गिरी निर्वाचित भएका छन्। समितिको प्रथम अधिवेशनले गिरीलाई सर्वसम्मत अध्यक्षमा चयन गरेको हो। अधिवेशनले उपाध्यक्षमा लुना रिजाल र जनक विश्वकर्मा, सचिवमा ओमबहादुर पुन, उप–सचिवमा संकृत अर्याल सहित पाँच पदाधिकारी र ५५ सदस्यीय कार्यसमिति निर्वाचित गरेको छ।
अध्यक्षमा निर्वाचित भएपछि गिरीले नयाँ टिम उत्कृष्ट बनेको उल्लेख गर्दै पूर्वअध्यक्ष विद्याराज पाण्डेले सुरु गरेको कामलाई पूरा गर्ने प्रतिबद्धता व्यक्त गरे। उनले लुम्बिनी प्रदेशभरका सम्पर्क कमिटीलाई मजबुत बनाउँदै प्रभावकारी गतिविधि सञ्चालन गर्ने योजना सुनाए।
नव–निर्वाचित कमिटीले भोलि नै रुपन्देही जिल्ला सम्पर्क कमिटीको विशेष भेला आयोजना गर्ने तयारी गरेको छ। लुम्बिनी प्रदेश सम्पर्क कमिटीको कार्यकाल दुई वर्षको रहनेछ।
