काठमाडौं। काठमाडौं महानगरपालिकाले यस वर्षको छठ पर्वका लागि महानगरभित्र ९ वटा स्थान तोकेको छ। भक्तजनको सुविधालाई ध्यानमा राख्दै महानगरपालिकाले यी स्थानहरूमा छठ पर्व मनाउने व्यवस्था मिलाएको महानगर प्रहरी बलले जानकारी दिएको हो।
काठमाडौंबासीलाई छठ पर्वको लागि स्थान छनौट गरेर नगर प्रहरीले व्यवस्थापन गरिरहेको छ। महानगरका अनुसार कमलपोखरी, गौरीघाट, १४ नम्बर वडाको बोक्सीदह, बागमती दोभान, १३ नम्बर वडाको टंकेश्वर यस्तै कुमारी क्लब बल्खु, कुलेश्वरको भलिबल चौर, २० नम्बर वडाको रामघाट र बालाजु बाइसधारामा स्थान तोकिएको हो ।
