हेटौँडा । मकवानपुरको भीमफेदी गाउँपालिका–८, ईपादेउरालीमा बसको ठक्करबाट एक महिलाको मृत्यु भएको छ । बिहीबार (कात्तिक १२) बिहान करिब ७ः३० बजे ईपाबाट हेटौँडातर्फ आउँदै गरेको बा२ख ९४३० नम्बरको बसले ठक्कर दिँदा स्थानीय ६३ वर्षीया लीलादेवी खत्रीको मृत्यु भएको प्रहरीले जनाएको छ ।
खत्री सोही बसमा सवार भएर आएकी थिइन् । त्यसबाट ओर्लिएपछि बाटो काट्ने क्रममा सोही बसले उनलाई ठक्कर दिएको थियो । ठक्करबाट टाउकोमा चोट लागेकी खत्रीको घटनास्थलमै मृत्यु भएको प्रहरीले जनाएको छ ।
बस हाल घटनास्थलमै रहेको र चालक प्रहरीको सम्पर्कमा छन् ।
