काठमाडौं । राष्ट्रिय वाणिज्य बैंक (RBB) ले आफ्ना ग्राहकहरूका लागि आधुनिक डिजिटल सेवा ‘RBB Digital Sansar’ को प्रचारलाई तिव्र बनाएको छ। नयाँ प्रविधियुक्त मोबाइल एपमार्फत अब ग्राहकहरूले घरमै बसी सहज रूपमा बैंकिङ्ग कारोबार गर्न सक्नेछन्। ‘घरबाटै सहज बैकिङ्ग कारोबार’ भन्ने नारासहित सार्वजनिक गरिएको यो सेवा डिजिटल पहुँच अभिवृद्धिमा केन्द्रित छ। मोबाइल एप डाउनलोड गरेर ग्राहकले आफ्नो मोबाइल नम्बर र पासवर्डमार्फत सजिलै लगइन गरी खाताको विवरण हेर्न, रकम ट्रान्सफर गर्न, मोबाइल रिचार्ज, बिल्ल पेइमेन्ट, लोन जानकारी लगायत अन्य सेवा लिन सक्नेछन्।
ग्राहक लक्षित डिजिटल अभियान
RBB का अनुसार, डिजिटल कारोबारको दायरा बढाउने र ग्राहकलाई बैंकसम्म आउनुपर्ने झन्झट कम गर्ने उद्देश्यले यो सेवा ल्याइएको हो। विशेषगरी ग्रामिण क्षेत्रका महिलादेखि शहरका व्यस्त पेशेवरहरूसम्मलाई लक्षित गरेर यो एप तयार पारिएको छ। डिजिटल संसार एप प्रयोगमा कुनै समस्या भएमा ग्राहकले Call Center +977-01-5970018 मा सम्पर्क गर्न सक्नेछन् वा rbb.info@rbb.com.np मा इमेल गर्न सक्नेछन्।
डिजिटल पहुँच, सुरक्षित बैंकिङ्ग
RBB ले डिजिटल कारोबारका क्रममा डेटा सुरक्षामा विशेष ध्यान दिइएको बताएको छ। एपमा ‘Remember Me’, ‘Forgot Password’, जस्ता सुविधा पनि राखिएको छ जसले प्रयोगकर्ता अनुभवलाई सहज बनाउँछ। नेपालको सबैभन्दा पुरानो सरकारी बैंकले डिजिटल यात्रालाई अझ व्यापक बनाउन ‘RBB Digital Sansar’ लाई भविष्यका लागि एउटा नयाँ युगको बैंकिङ्ग माध्यमका रूपमा स्थापित गर्न चाहेको स्पष्ट संकेत दिएको छ।
