काठमाडौं । उपप्रधानमन्त्री एवम् शहरी विकास मन्त्री प्रकाशमान सिंह आज इजिप्टको कायरो प्रस्थान गर्नुभएको छ ।
नेपाली प्रतिनिधि मण्डलको नेतृत्व गर्दै वर्ल्ड अर्बान फोरमको कार्यक्रममा सहभागी हुन सिंह आइतबार बिहान ८ बजे कायरो प्रस्थान गर्नुभएको हो ।
कार्यक्रममा विश्वका १५० भन्दा बढी देशको सहभागिता रहनेछ । विश्व सम्मेलनमा उपप्रधानमन्त्री सिंहले शहरी विकासकाबारमो ३ वटा सत्रलाई सम्बोधन गर्नुहुने छ ।
सम्बोधनमा उपप्रधानमन्त्री सिंहले नेपालले बस्ती विकासका क्रममा भोगेका समस्या, जलवायु परिवर्तनका कारण भोगिरहेको समस्या र बस्ती विकासमा नेपालले हासिल गरेको उपलब्धीका बारेमा धारण राख्ने जनाइएको छ ।
वर्ल्ड अर्बान फोरमको कार्यक्रम नोभेम्बर ४ देखि ८ तारिखसम्म कायरोमा हुन लागेको हो । उपप्रधानमन्त्री सिंह शनिबार स्विदेश फर्किनुहुनेछ । ।
