काठमाडौं। सिरहाको धनगढीमाई नगरपालिका ११ स्थित आफ्नै घरमै सुतिरहेको बेला एक जना बृद्धको हत्या भएको छ। हत्या भएका वृद्ध लहान नगरपालिका २४ फनिलाल यादव हुन्।
मृत्युक यादवमाथि धारिलो हतियार प्रहार भएको देखिएको र सूचना पाएलगत्तै घटनास्थलमा प्रहरी पुगेर छानबिन गरिरहेको जिल्ला प्रहरी कार्यालय सिरहाका प्रवक्ता तथा डिएसपी विरेन्द्र कुमार पासवानले जानकारी गराए । बिहान ६ः३० बजे प्रहरीले खबर भएको थियो त्यसपछि घाइते देखिएका वृद्धलाई अस्पताल लग्दा साढे ८ बजे मृत घोषित गरिएको उनले बताए ।
हत्या गर्नेलाई कारबाहीको माग गर्दै अहिले पूर्वपश्चिम महेन्द्र राजमार्गमा जाम गरेर नेकपा एमाले नेता कार्यकर्ताले प्रदर्शन गरिरहेका छन्। मृतक नेकपा एमाले लहान नगर कमिटी, जिल्ला कमिटी सदस्य तथा लहान नगरपालिका २४ का पूर्व वडा अध्यक्ष कमलदेव यादवका बुबा रहेका छन् ।
