काठमाडौं। तत्कालीन गृहमन्त्री रमेश लेखकले गत भदौ २३ र २४ गतेको घटना सम्बन्धी जाँचबुझ आयोगमा पुगेर बयान दिनुभएको छ। सोमबार उहाँले आयोगको कार्यालय सिंहदरबारमा पुगेर करिब ३ घण्टा बयान दिनुभएको हो।
बयान सकिएलगत्तै लेखकले नेपाली कांग्रेस संसदीय दलको कार्यालयमा पत्रकार सम्मेलन गरेर आफ्ना धारणा राख्ने तयारी गर्नुभएको छ। गौरीबहादुर कार्कीको नेतृत्वमा गठित आयोगमा विज्ञानराज शर्मा र विश्वेश्वरप्रसाद भण्डारी सदस्य छन् ।
