काठमाडौं । साताको पहिलो कारोबार दिन आइतबार (पुस २०) मा सेयर बजार दोहोरो अंकले घटेको छ ।
यस दिन नेपाल स्टक एक्सचेन्ज (नेप्से) १०.२९ अंक घटेको हो । यससँगै बजार मापक २६१०.६३ विन्दुमा बन्द भएको छ । अघिल्लो कारोबार दिन अर्थात् बिहीबार (पुस १७) मा पनि बजार १२.८३ अंक घटेको थियो ।
नेप्सेमा आज ७९ कम्पनीको मात्रै सेयर मूल्य बढेको छ । १७१ कम्पनीको सेयर मूल्य घट्दा ९ कम्पनी स्थिर रहे । कारोबारतर्फ पाँच अर्ब १७ करोडको बढीको सेयर खरिद बिक्री भएको छ । एक करोड दुई लाख ७४ हजार १२६ कित्ता सेयर ७९ हजार ७०२ पटकमा किनबेच भएको छ । अघिल्लो कारोबार चार अर्ब ६० करोडको सेयर किनबेच भएको थियो ।विन नेपाल लघुवित्त तथा श्रीनगर एग्रीटेकको सेयर मूल्यमा सकारात्मक सर्किट लागेको छ ।
समुहगत सूचक तर्फ होटेल एन्ड टुरिजम, म्यानुफ्याक्चरिङ एन्ड प्रोसेसिङर ट्रेडिङ सूचक बढ्दा बाँकी समूह सूचक घटे ।
