काठमाडौं। जागरणसभामा दरबारमार्गमा फोहोर गरेको भन्दै काठमाडौं महानगरपालिकाले तोकेको एक लाख रुपैयाँको जरिवानापत्र बुझ्न नेकपा एमालेले अस्वीकार गरेको छ । आइतबार दिउँसो जरिवानापत्र बुझाउन च्यासलस्थित एमालेको केन्द्रीय कार्यालयमा महानगरको टिम पुगेको थियो ।
तर आफूहरू आयोजक नरहेको भन्दै एमालेले पत्र बुझ्न अस्वीकार गरेको हो । एमालेका काठमाडौं, भक्तपुर र ललितपुर जिल्ला कमिटीको आयोजनामा दरबारमार्गमा जागरणसभा आयोजना गरिएको थियो ।
गत शुक्रबार दरबारमार्गमा जागरणसभाका क्रममा सडक तथा पेटीमा जथाभावी फोहोर गरेको भन्दै महानगरले एमालेलाई एक लाख रुपैयाँको जरिवाना तोकेको थियो । तर उक्त जरिवाना पत्र बुझ्न अस्वीकार गरेपछि महानगरको टोली च्यासलबाट फर्केको छ ।
