काठमाडौं । अन्तर्राष्ट्रिय मातृभाषा दिवसका अवशरमा भाषा आयोगले भाषा प्रयोगशाला उद्घाटन एवं भाषा सम्बन्धी अन्तक्रिया कार्यक्रम गर्ने भएको छ । आगामी फागुन ९ गते संस्कृति पर्यटन तथा नागरिक उड्ययन मन्त्री बद्री प्रसाद पाण्डेको प्रमुख आतिथ्यतामा उक्त कार्यक्रम गर्न लागिएको हो ।
कार्यक्रममा ७ वटै प्रदेशको भाषिक अवस्थालाई समेटेर विज्ञहरुको कार्यपत्र समेत प्रस्तुत गरिने तय भएको छ । त्यस्तै खुला छलफल र टिप्पणीबाट उठेका समस्यालाई समाधानको पहल गरिने पनि आयोगले जनाएको छ ।
राष्ट्रिय जगणना २०७८ अनुसार मुलुकमा एक सय २४ भाषा छन् । नेपालको संविधान २०७२ ले नेपालमा बोलिने सबै भाषा ‘राष्ट्रभाषा’को सङ्ज्ञा दिएको छ ।भाषा आयोग, त्रिवि भाषा विज्ञान केन्द्रीय विभाग, प्रज्ञा प्रतिष्ठानले अल्पसङ्ख्यकले बोल्ने भाषालाई लोप हुनुभन्दा पहिले त्यसको अभिलेखीकरणमा ध्यान दिनु आवश्यक रहेको विज्ञहरुले बताएका छन् । नेपालमा सन् २०१० देखि औपचारिक रूपमा यो दिवस मनाउन थालिएको हो ।
कार्यपत्र प्रस्तुति र प्रस्तुतकर्ता
तारामणि राई: कोशी प्रदेशको भाषिक स्थिति
सत्येन्द्र प्रसाद यादव: मधेश प्रदेशको भाषिक स्थिति
उमेश स्थापित : बागमती प्रदेशको भाषिक स्थिति
लोक बहादुर थापा: गण्डकी प्रदेशको भाषिक स्थिति
विक्रममणि त्रिपाठीः लुम्बिनी प्रदेशको भाषिक स्थिति
डा. बद्रि विनाडीः सुदूरपश्चिम प्रदेशको भाषिक स्थिति
अमृत योञ्जन तामाङ्ङ्ग, लोपोन्मुख भाषाको स्थिति र भावी दिशा
टिप्पणीः मल्लके सुन्दर
