काठमाडौं। सोमबार नेप्से परिसूचक ९.६२ अंकले घटेर २६१०.७६ विन्दुमा पुगेको छ। कारोबार रकम पनि घट्दै सात अर्ब ६३ करोड रुपैयाँमा सीमित रह्यो, जुन अघिल्लो दिनको तुलनामा १ अर्ब ६१ करोड कम हो ।
सोमबार ३१९ वटा धितोपत्रको एक करोड ८४ लाख कित्ता सेयर किनबेच भयो । ८६ कम्पनीको मूल्य बढ्दा १५९ को घट्यो र एक कम्पनी स्थिर रह्यो। चार कम्पनी नेपाल माइक्रो इन्स्योरेन्स, ओम मेगाश्री फर्मा, सिटिजन्स सुपर ३० म्युचुअल फन्ड र क्रेस्ट माइक्रो लाइफ(को मूल्य सर्किट लेभलमा पुग्यो ।
सबैभन्दा धेरै गिरावट हिमालयन पावर पार्टनरको सेयरमा देखियो, जुन ९.९९ प्रतिशत घटेर २५८१.३० रुपैयाँमा झर्यो । रिभर फल्स पावर ७.९५ प्रतिशतले घटेर ५४५.९० रुपैयाँमा पुग्यो । सर्वाधिक कारोबार राधी विद्युतको सेयरमा भयो। ७०० रुपैयाँमा ७६ करोड ५ लाखको कारोबार। दोस्रो स्थानमा ङादी ग्रुप पावर रह्यो, जसको ५५ करोड ६२ लाख बराबरको सेयर किनबेच भयो ।
१३ वटा समूहगत परिसूचकमध्ये केवल तीन समूहको बढ्यो भने १० समूहमा गिरावट आयो। व्यापार समूहको परिसूचक सर्वाधिक १।१३ प्रतिशतले घट्यो ।
