काठमाडौं। परीक्षणका नाममा विगत १९ दिनदेखि नेपाली चिया भारततर्फ निर्यात हुन रोकिएको थियो। भारतीय चिया बोर्डले मंगलबार (मे १९)मा नयाँ सूचना (कोरिजेन्डम–२) जारी गर्दै अनिवार्य गुणस्तर परीक्षणको प्रावधानमा हेरफेर गरेसँगै नेपाली चियाको निर्यातमा देखिएको गाँठो फुकेको छ ।
गत मे १ देखि भारतले आफ्ना सबै नाकामा नेपाली चियाको अनिवार्य परीक्षण हुनुपर्ने र त्यसको रिपोर्ट नआएसम्म मालवस्तु अगाडि बढाउन नपाइने नियम भारतले लागु गरेपछि नेपाली चिया अलपत्र परेको थियो ।
