काठमाडौं। उपराष्ट्रपति रामसहायप्रसाद यादव अस्पताल भर्ना हुनुभएको छ। अस्वस्थ भएपछि उहाँलाई सोमबार राति महाराजगञ्जस्थित मनमोहन कार्डियोथोरासिक भास्कुलर एण्ड ट्रान्सप्लान्ट सेन्टरमा भर्ना गरिएको हो।
अस्पतालका निर्देशक डा. रत्नमणि गजुरेलले उपराष्ट्रपति यादवको उच्च रक्तचाप बढेकाले अस्पताल भर्ना गरिएको जानकारी दिए। भीआईपी क्याबिन नम्बर ७०१ मा राखेर उपचार गरिएकामा अहिले उहाँको स्वास्थ्य अवस्था सामान्य छ। कतिपय परीक्षण गरिएका रिपोर्ट नर्मल आएको र केही परीक्षणका रिपोर्ट आउन बाँकी रहेको डा। गजुरेलले बताए ।
