काठमाडौं । नेपाली बजारमा बुधबार (फागुन ६) सुनको मूल्य घटेको छ । नेपाल सुनचाँदी व्यवसायी महासंघका अनुसार यस दिन सुन तोलामा १५ सय रुपैयाँले घटेको हो ।
आजका लागि प्रतितोला तीन लाख ४०० रुपैयाँ तोकिएको महासंघले जनाएको छ । अघिल्लो दिन (फागुन ५) तीन लाख एक हजार ९०० रुपैयाँमा कारोबार भएको थियो । त्यसैगरी, चाँदीको मूल्य तोलामा पाँच रुपैयाँले घटेर चार हजार ८८० निर्धारण भएको छ । अघिल्लो दिन चार हजार ८८५ रुपैयाँ थियो ।
