काठमाडौं। प्रधानमन्त्री सुशीला कार्कीले सचिवालयमा सहयोगीहरूको सङ्ख्या घटाउनुभएको छ। प्रधानमन्त्री तथा मन्त्रिपरिषद्को कार्यालयले बुधबार प्रेस विज्ञप्ति जारी गर्दै सचिवालयमा हाल रहेका २० जनामध्ये ६ जनामात्रै राखेर अन्य १४ जनालाई हटाउने निर्णय गर्नुभएको हो।
जेनजी लगायत पक्षबाट उठाइएका प्रश्नलाई लिएर प्रधानमन्त्री कार्कीले सचिवालय र विज्ञ समूहको आकार घटाउने निर्णय गर्नुभएको हो। निर्णय आज (मंसिर ११) देखि लागु हुने जारी विज्ञप्तिमा उल्लेख गरिएको छ ।
