काठमाडौं। जय ट्रफी पुरुष एलिट कप अन्तरगतको खेलमा त्रिभुवन आर्मी क्लब मधेस प्रदेशलाई ८ विकेटले हराउँदै विजयी भएको छ । मधेस प्रदेशले दिएको जम्मा २८ रनको लक्ष्यलाई आर्मीले २ विकेट क्षतिमा नै सफलता हासिल गरेको हो । विजय सँगै त्रिभुवन आर्मी क्लब प्रतियोगिताको फाइनलमा पुग्ने पहिलो टाली बनेको छ ।
आर्मीले पहिले ब्याटिङ गर्दै ९ विकेट क्षतिमा २२५ रन बनाएर पारी समाप्तिको घोषणा गरे पनि मधेस प्रदेश पहिलो इनिङमा १०२ रनमै अलाउट भएर फलोअनमा परेको थियो । जारी खेलमा १२३ रनले पछि परेको मधेशले दोस्रो इनिङमा भने १५० रन मात्रै जोड्न सक्यो ।
जम्मा २८ रनको लक्ष्य पाएको आर्मीले त्रितराज दास र सन्तोष कार्कीलाई गुमाए पनि ओपनर इमरान सेख र बसिर अहमदले टिमलाई जित दिलाउन सफल भएका थिए ।
