काठमाडौं। नेपाली बजारमा आज (बिहीबार) सुनको मूल्य तोलामा ६ सय रुपैयाँले बढेको छ। मूल्य बढेसँगै आज सुन तोलामा १ लाख ५० हजार ३ सय रुपैयाँ कारोबार भइरहेको नेपाल सुनचाँदी व्यवसायी महासङ्घले जनाएको छ ।
हिजो सुनको मूल्य तोलाको एक लाख ४९ हजार सात सय रुपैयाँ रहेको थियो । त्यस्तै आज चाँदीको मूल्य भने स्थिर छ । आज चाँदीको मूल्य हिजोकै तोलाको एक हजार आठ सय रुपैयाँमा कारोबार भइरहेको महासङ्घले जनाएको छ ।
