काठमाडौं। सत्ताधारी मधेसवादी दलको बैठक संविधान संशोधनलगायत अन्य समसामयिक विषयमा छलफल गर्नका लागि सिंहदरबारमा बसिरहेको छ । बैठकमा महन्थ ठाकुर नेतृत्वको लोकतान्त्रिक समाजवादी पार्टी नेपाल, डा.सिके राउत नेतृत्वको जनमत पार्टी, अशोक राई नेतृत्वको जनता समाजवादी पार्टी र रेशम चौधरी नेतृत्वको नागरिक उन्मुक्ति पार्टी रहेका छन् ।
मधेसवादी दलहरूको बिचमा मोर्चाबन्दी बनाउने गृहकार्य भइरहेका बेला सत्तामा रहेका मधेस केन्द्रित दलहरूको बैठक बसेको हो । संविधान संशोधनलगायत सरकार सञ्चालनका विषयमा कांग्रेस–एमालेले मात्र छलफल गरिरहेका छन्। बैठकमा यो विषयमा पनि छलफल गरिने सहभागी एक नेताले बताए ।
