काठमाडौं । पूर्वसभामुख दमननाथ ढुंगानाको निधन भएको छ । पारिवारिक स्रोतका अनुसार राजधानीको फ्रन्टलाइन अस्पतालमा आइतबार दिउँसो उनको निधन भएको हो ।
नेपाल बार एसोसिएसनका अध्यक्ष गोपालकृष्ण घिमिरेले ढुंगानाको निधनको खबरपछि आफू अस्पतालतर्फ जाँदै गरेको बताए । वरिष्ठ अधिवक्ता समेत रहेका ढुंगाना २०४८ देखि २०५१ सालसम्म प्रतिनिधि सभाको सभामुख थिए ।
२०७४ सालको चुनावमा उनी भक्तपुर २ बाट कांग्रेसको उम्मेदवार बनेका थिए ।
