काठमाडौं । काठमाडौं अहिले विश्वकै छटौं प्रदूषित शहर भएको छ । आईक्यू एयरका अनुसार आज बिहान काठमाडौंको प्रदूषण १ सय ७० एक्यूआई मापन गरिएको छ ।
हावाको यो गुणस्तर अस्वस्थकर भएको विज्ञ बताउँछन् । यसको एक सयभन्दा माथिको सूचकांक हुनु मानव स्वास्थ्यका लागि हानिकारक मानिन्छ ।
वातावरण विभागले जनाए अनुसार काठमाडौंमा पनि खुमलटार क्षेत्र सबैभन्दा बढी प्रदूषित छ । खुमलटारको प्रदूषण १ सय ६९ एक्यूआई मापन गरिएको छ । त्यसपछि रत्नपार्क क्षेत्रको प्रदूषण १ सय ६५, भरतपुको १ सय ६४ र शंखपार्कको प्रदूषण १ सय ६२ एक्यूआई मापन गरिएको छ ।
यस्तै पाकिस्तानको लाहोर विश्वकै प्रदूषित शहरको शीर्ष स्थानमा छ । त्यहाँको एक्यूआई ७०८ रहेको छ । यसैगरि एक्यूआई ४२४ मापन गरिएको भारतको नयाँ दिल्ली दोस्रो स्थानमा रहेको छ ।
तेस्रो स्थानमा भियतनामको हानोई रहेको छ भने चौथो र पाँचौँ स्थानमा भारतको कोलकाता र बंगलादेशको ढाका शहर रहेको छ ।
