काठमाडौं। बागलुङ जिल्लाको गलकोट नगरपालिका–५ स्थित शिवालय मन्दिर नजिकै बहुमुखी क्याम्पसको ग १ झ ७४३ नम्बरको विद्यार्थी बोकेको भ्यान दुर्घटना हुँदा ६ जना घाइते भएका छन्।
दुर्घटनामा १८ वर्षीया सुस्मिता विक, १८ वर्षीया प्रमिला विक, २५ वर्षीय मोहोन सिंह सुनार, १९ वर्षीय जीवन खत्री, १९ वर्षीया अमिसा क्षेत्री र १८ वर्षीया सुनिता सापकोटा घाइते भएका इलाका प्रहरी कार्यालय गलकोटका प्रहरी सहायक निरीक्षक मनबहादुर कार्कीले जानकारी दिए ।
घाइतेहरूको गलकोट नगर अस्पतालमा उपचार भइरहेको छ । तीव्र गतिका कारण दुर्घटना भएको प्रहरी निरीक्षक कार्कीले बताए । उक्त भ्यान हरिचौरबाट हटिया जाँदै गरेको भ्यान दुर्घटनामा परेको हो ।
