काठमाडौं । लामो समयदेखि विद्यार्थी आन्दोलनमा सक्रिय अछामका विद्यार्थी नेता नरेश न्यौपाने एकीकृत समाजवादी निकटको विद्यार्थी संगठन अनेरास्वियुको उपाध्यक्षमा चयन भएका छन् ।
लामो समय उक्त संगठनको सचिव र कार्यालय सदस्यका रुपमा काम गरेका न्यौपाने उपाध्यक्षमा चयन भएका छन् । बौद्धिक नेताका रुपमा समेत चिनिएका न्यौपानेले विद्यार्थीका एजेण्डा पूरा गर्न हरदम तत्पर रहने पनि जानकारी दिएका छन् । साथै उनले अबको नयाँ नेतृत्वले युवालाई स्वदेशमै रोक्ने र अवशरको सिर्जना गर्नेतर्फ केन्द्रित हुनुपर्ने विषयमा पनि जोड दिएका छन् ।
पार्टी कार्यालयमा बसेको संगठनको केन्द्रीय कमिटी बैठकबाट उपाध्यक्षमा अशोक थापा, कल्याण दाहाल, किशोर टण्डन, भूपेन्द्र शाह, मिलन राई, दिनेश लो, मेघनाथ चापागाईं, डम्बर सिंह र राजकिशोर यादव चयन भएका छन् । महासचिवमा राजन शर्मा पराजुली छानिएको संगठनले जनाएको छ ।
