काठमाडौं । स्थानीय बजारमा सुनचाँदीको मूल्य घटेको छ । शुक्रबार (कात्तिक २०) सुनको मूल्य तोलामा पाँच हजार ९०० रुपैयाँ घटेको नेपाल सुनचाँदी व्यवसायी महासंघले जनाएको छ । बिहीबार भने सुन तोलामा १३ हजार ३०० रुपैयाँले बढेको थियो ।
महासंघका अनुसार, यस दिन सुनको मूल्य तोलामा दुई लाख ८३ हजारमा कारोबार भइरहेको छ । बिहीबार सुनको मूल्य प्रतितोला दुई लाख ८८ हजार ९०० रुपैयाँमा कारोबार भएको थियो । त्यस्तै, चाँदी तोलामा ११० रुपैयाँ घटेको छ । चाँदी प्रतितोला तीन हजार ८१० रुपैयाँमा कारोबार भइरहेको महासंघले जनाएको छ ।
