काठमाडौं। संसद् भवनमा सङ्घीय संसद्अन्तर्गत प्रतिनिधि सभाको बैठक शुरू भएको छ। आजको बैठकमा सरकारका तर्फबाट निर्वाचन र मतदाता नामावलीसँग सम्बन्धित दुईवटा महत्त्वपूर्ण विधेयकहरू पेस गर्ने मुख्य कार्यसूची रहेको छ।
बैठकमा प्रधानमन्त्री तथा गृहमन्त्री वालेन्द्र साह बालेनको तर्फबाट कानुन, न्याय तथा संसदीय मामिला मन्त्री सोबिता गौतमले ‘प्रतिनिधिसभा सदस्य निर्वाचन (पहिलो संशोधन) विधेयक, २०८३’ प्रस्तुत गर्न अनुमति माग्ने प्रस्ताव प्रस्तुत गर्ने कार्यसूची रहेको छ। उक्त अनुमति प्राप्त भए लगत्तै आजैको बैठकमा सो संशोधन विधेयक संसद्मा औपचारिक रूपमा प्रस्तुत गरिनेछ।
यसै गरी, मन्त्री गौतमले नै प्रधानमन्त्री तथा गृहमन्त्री साहको तर्फबाट ‘मतदाता नामावली ९पहिलो संशोधन० विधेयक, २०८३’ प्रस्तुत गर्न अनुमति माग्ने र सो विधेयक समेत सदनसमक्ष प्रस्तुत गर्ने कार्यसूची तय गरिएको छ। यी दुवै विधेयक संसद्मा पेस भएपछि आगामी निर्वाचन प्रणाली र मतदाता नामावली दर्ता प्रक्रियामा कानुनी सुधारका लागि संसदीय छलफलको बाटो खुल्नेछ।
