काठमाडौं। बिहीबार देशका विभिन्न भागबाट लागुऔषधसहित नेपाल प्रहरीले १६ जनालाई पक्राउ गरेको छ। काठमाडौं नगरपालिका गोङ्गबु मित्रनगरबाट दुई जना, दाङको घोराही उपमहानगरपालिका १३ राधाकृष्ण टोलबाट, एक लम्कीचुहा नगरपालिका ४ कौवापुरबाट एक, रुपन्देहीको रोहिणी ४ सेमरहबाट एक र सोही पालिकाको वडा नम्बर ६ छिपागणबाट एक जनालाई पक्राउ गरिएको हो।
यसैगरी, बर्दियाको बढैयाताल गाउँपालिका २ फुटाहबाट एक, झापाको गौरादह नगरपालिका १ डिपुचोकबाट एक, भद्रपुर नगरपालिका ५ मेचीपुलबाट तीन, मोचीनगर नगरपालिका ६ काँकडभिट्टा बसपार्कबाट एक र मोरङको उर्लाबारी नगरपालिका ७ बाट एक जनालाई पक्राउ गरिएको छ। प्रहरीचौकी मूलघाटबाट परिचालन भएको प्रहरी टोलीले ४४ किलो गाँजासहित धनकुटाको सहिदभूमि गाउँपालिकाबाट तीन जनालाई पक्राउ गरेको जनाइएको छ। केही अभियुक्तहरूबाट नगदसमेत बरामद भएको जनाइएको छ ।
