काठमाडौं। सप्तरी डाक्नेश्वरी नगरपालिका ५ महादेवा पौखैर नहरको झाडीबाट झन्डै ४ सय किलो गाँजा बरामद भएको छ। शुक्रबार ३ सय ९७ किलो गाँजा बरामद भएको सशस्त्र प्रहरी बलका सहप्रवक्ता एवं डिएसपी शैलेन्द्र थापाले जानकारी दिए।
सशस्त्र प्रहरी बल नेपाल प्रस्तावित सीमा सुरक्षा गुल्म पातो र नेपाल प्रहरीको संयुक्त टोलीले उक्त गाँजा बरामद भएको हो। महादेवा पोखैर नहरमा गाँजा रहेको विशेष सूचनाको आधारमा खटिएको सशस्त्र प्रहरी नायव उपरीक्षक नरेन्द्र सिंह धामीको कमाण्डको टोली र प्रहरीको टोलीले १७ वटा पोकामा भएको गाँजा फेला पारेको हो।
त्यस्तै बाराको पचारौता नगरपालिका–९ बलढुसुवाको भित्री सडकखण्डबाट पनि प्रहरीले करिब ३२ किलो गाँजा बरामद गरेको छ।
