काठमाडौं। नेपाली कांग्रेसको शुक्रबार बस्दै नबसी स्थगित भएको केन्द्रीय कार्यसमिति बैठक आज दिउँसो १ बजे बस्दैछ। १५औं महाधिवेशनको मितिबारे कांग्रेसमा विवाद भएको छ। शनिबार सानेपामा पदाधिकारी बैठक बसेर सहमतिको प्रयास गरे पनि असफल भएको थियो।
बैठकमा महामन्त्री र संस्थापन पक्षले फरक फरक कार्यतालिका प्रस्ताव गरेका थिए। महामन्त्री विश्वप्रकाश शर्माले महासमिति सदस्यबाट महाधिवेशन चुनावअघि कि पछि भनेर भोटिङ गर्नु पर्ने प्रस्तावसमेत गरेका थिए।
