काठमाडौं। सिन्धुलीको एसबिआई बैंक लुटपाट भएको घटनामा प्रहरीले ४ जनालाई पक्राउ गरेको छ। मंगलबार राति साढे ७ बजेतिर घ्याङलेख गाउँपालिका वडा नम्बर ५ मा रहेको एसबिआई शाखा बैंकमा ६ जनाको अज्ञात समूहले लुटपाट गरेको थियो।
जिल्ला प्रहरी कार्यालय सिन्धुलीका एसपी लालध्वज सुवेदीका अनुसार ३ करोड १० लाख रुपैयाँ लुटपाट भएको थियो। लुटिएको रकममध्ये एक करोड ८० लाख रुपैयाँ नजिकैको जंगलमा फालिएको अवस्थामा बोराभित्र फेला परेको एसपी सुवेदीले जानकारी दिए।
बाँकी रकम र यस घटनामा संलग्न व्यक्तिहरूको खोजी भइरहेको पनि उनले बताए। लुटपाट गर्न पुगेको अज्ञात समूहले बैंकका सुरक्षा गार्डमाथि हतियार प्रहार गरेको खुलेको छ।
