काठमाडौं । सरकारले करदाता प्रोत्साहन कार्यक्रमअन्तर्गत पुरस्कार घोषणा गरेको छ । सोमबार (कात्तिक १६) अर्थ मन्त्रालयमा आयोजित एक कार्यक्रमबीच कात्तिक १ देखि १५ गतेसम्मका विजेता घोषणा गरिएको हो । यो अवधिमा १५ जनाले जनही एक लाख ३३ हजार ३३४ रुपैयाँ पुरस्कार पाएका छन् । एकजनालाई बम्पर उपहार दिने कार्यक्रमअन्तर्गत १० लाख पाउने करदाता पनि घोषणा गरिएको हो ।
कात्तिक ५ मा बिग मार्टबाट ४१५ रुपैयाँको सामान किनेका जनकपुरका ०९८०४६५५८१७५ नम्बरका करदाताले १० लाख रुपैयाँको बम्पर पुरस्कार जितेका छन् । ‘कात्तिक महिनाको पहिलो पाक्षिक करदाता प्रोत्साहन पुरस्कार कार्यक्रम’अन्तर्गत गरिएको लक्की ‘ड्र’मा ती उपभोक्ताले १० लाख रुपैयाँको बम्पर उपहार जितेका हुन् ।
१० लाख जित्ने उपभोक्तालाई आन्तरिक राजस्व विभागका महानिर्देशक डा. भीष्मकुमार भुसालले फोन गरेर बधाई दिएका थिए । करदाता प्रोत्साहन कार्यक्रम घोषणा कार्यक्रममा किक्रेट खेलाडी ललितनारायण राजवंशी समेत उपस्थित थिए ।
