एजेन्सी । अमेरिकामा राष्ट्रपति डोनाल्ड ट्रम्पले हालै गरेका निर्णयहरूको विरोधमा हजारौँ नागरिक सडकमा उत्रिएका छन्। बीबीसीका अनुसार शनिबार प्रदर्शनकारीहरूले किल्मर अब्रेगो गार्सियालाई एल साल्भाडोरमा गलत निर्वासन गरिएको र अन्य विभिन्न मुद्दाको विरोध गरेका हुन्।
यो आन्दोलनलाई ‘५०५०१’ नाम दिइएको छ। यसको अर्थ हो- '५० प्रदर्शन', '५० राज्य', '१ आन्दोलन'। अमेरिकामा जम्मा ५० राज्य छन्।
यद्यपि, ट्रम्प प्रशासन किल्मर अब्रेगो गार्सियाको अमेरिका फिर्ताको पक्षमा छैन। साथै प्रदर्शनकारीहरूले सरकारी जागिर कटौती गर्ने र अन्य खर्च घटाउने सरकारी दक्षता विभागको निर्णयको पनि विरोध गरेका छन्।
