काठमाडौं । संसदीय सुनुवाइ विशेष समितिले सर्वोच्च अदालतको न्यायाधीशमा प्रस्तावित चारजनाविरुद्ध १० दिनभित्र उजुरी आह्वान गर्ने निर्णय गरेको छ । सोमबार (कात्तिक २६) सिंहदरबारमा बसेको समितिको बैठकले न्यायपरिषद्बाट सर्वोच्चको न्यायाधीशमा सिफारिस चारजनाविरुद्ध उजुरी आह्वान गर्ने निर्णय गरेको हो ।
समितिले १० दिनको सूचना जारी गर्ने भएको छ । आगामी कात्तिक ९ गते सार्वजनिक माध्यमबाट सूचना सार्वजनिक गर्न समिति सचिवालयलाई निर्देशन दिइएको छ । प्रधानन्यायाधीश डा. मनोजकुमार शर्माको अध्यक्षताको न्यायपरिषद् बैठकले उच्च अदालत पोखराका मुख्य न्यायाधीश डा. रत्नबहादुर बागचन्द र उच्च अदालतका अन्य न्यायाधीशहरू चन्द्रबहादुर सारू, जनक पाण्डे र गोकर्ण डाँगीलाई सर्वोच्च अदालतको न्यायाधीश नियुक्तिका लागि सिफारिस गरेको थियो ।
