काठमाडौं। उपसभामुख रुबीकुमारी ठाकुरले पदभार ग्रहण गर्नुभएको छ। सोमबार सिंहदरबार स्थित कार्यकक्षमा पुगेर उहाँले पदभार सम्हाल्नुभएको हो।
पदभार ग्रहणपश्चात उपसभामुख ठाकुरले सभामुख डोलप्रसाद (डीपी) अर्यालसँग शिष्टाचार भेट गर्नुभएको छ। गत २७ गते उपसभामुखको निर्वाचन भएको थियो। निर्वाचनमा श्रम संस्कृति पार्टीबाट ठाकुर र राप्रपाबाट सरस्वती लामा उम्मेदवार थिए। रास्वपाको समर्थन पाएकी ठाकुर उपसभामुखमा निर्वाचित हुनुभएको हो।
