काठमाडौं। ललितपुरको धोविघाटमा रोकेर राखेको ट्रकमा मोटरसाइकल ठोक्किँदा एक जनाको मृत्यु भएको छ। मंगलबार राति ८ बजेतिर सानेपाबाट नख्खुतर्फ जाँदै गरेको बा.७५ प ८७० नम्बरको मोटरसाइकल सडकमा रोकेर राखेको बागमती प्रदेश ०३–००१ ख २०१५ नम्बरको ट्रकमा ठोक्किएको हो।
दुर्घटना हुँदा गम्भीर घाइते भएका मोटरसाइकल चालक धादिङको धुनिवेशी बस्ने २० वर्षीय रितेश श्रेष्ठको उपचारको क्रममा मेडिसिटी अस्पतालमा मृत्यु भएको उपत्यका ट्राफिक प्रहरी कार्यालयका एसपी नरेश सुवेदीले बताए । ट्रक चालक सिन्धुलीको दुधौली–७ घर भएका २६ वर्षीय दीपेन्द्र कार्कीलाई प्रहरी प्रभाग सानेपाले पक्राउ गरेको छ । मोटरसाइकल पछाडि सवार धादिङको सात घुम्ती घर भएका २० वर्षीय समीर भुजेलको उपचार भइएको छ । उनको अवस्था पनि गम्भीर छ ।
