काठमाडौं। आज फागुन २१ गते तय भएको निर्वाचनको तयारीको विषयमा निर्वाचन आयोगले राजनीतिक दलका प्रतिनिधिहरुसँग छलफल गर्दै छ। छलफल बिहान ११ः३० बजे आयोगको कार्यालय कान्तिपथमा हुनेछ ।
आजको छलफलमा आयोगको निर्वाचनको तयारीका सन्दर्भमा प्रशासनिक काम र निर्वाचन तालिकाबारे जानकारी गराइने छ ।
गत भदौ २३ र २४ गते भएको जेनजी युवा आन्दोलपछि प्रतिनिधि सभा विघटन गरी ताजा जनादेशका लागि आगामी फागुन २१ गते निर्वाचन गर्ने निर्णय वर्तमान अन्तरिम सरकारले गरेको छ । निर्वाचनमा सहभागी हुन चाहने नयाँ दललाई कात्तिक मसान्त अगावै दल दर्ता गरेर प्रमाणपत्र लिइसक्न आयोगले भनेको छ ।
