काठमाडौं । नेपाल पत्रकार महासंघ काठमाडौं जिल्ला शाखा अध्यक्ष शोभा अर्याल बागमती प्रदेश सरकारको संस्थागत पुरस्कारबाट पुरस्कृत भएकी छन् । गणतन्त्र दिवस २०८२ को अवसरमा बागमती प्रदेश सरकारले अर्याललाई उक्त पुरस्कार प्रदान गरेको हो । महासंघ काठमाडौं शाखाले संस्था र मिडिया विकासको लागि स्थानीय, प्रदेश सरकार र संघीय सरकारलाई विभिन्न माग राखेर ध्यानाकर्षण पत्र बुझाउँदै आएको छ ।
तीनै तहका सरकार मिडियामैत्री बन्नुपर्छ भन्ने अभियानको नेतृत्व लिएकी अर्याललाई प्रदेश सरकारले उक्त पुरस्कार प्रदान गरेको हो । सो अवसरमा अर्यालसहित सात जना पत्रकार प्रदेश सरकारबाट सम्मानित भएका छन् ।
प्रदेश सरकारले मकवानपुरका प्रताप बिष्ट, काठमाडौंका कुमारभक्त रजिञ्तकार (नेपालमा भाषामा समाचार तथा कार्यक्रम सञ्चालन गर्ने), धादिङका नवराज छत्कुली, चितवनका नेपोलियन चेपाङ, सिन्धुपाल्चोककी अस्मि तामाङ, नुवाकोटका रामचन्द्र अर्याललाई पनि पुरस्कृत गरेको छ ।
