काठमाडौं। झापाबाट काठमाडौंतर्फ गइरहेको निजी गाडी विपी राजमार्गअन्तर्गत गोलञ्जोर गाउँपालिका ५ मा आज बिहान दुर्घटना भएको छ। दुर्घटनामा १ जनाको मृत्यु भएको छ भने ५ जना घाइते भएका छन्। साथै एक जनाको अवस्था गम्भीर छ।
जिल्ला प्रहरी कार्यालयका प्रहरी उपरीक्षक गोविन्दराज काफ्लेका अनुसार दुर्घटनामा गाडीचालक दोलखाको गौरीशङ्कर गाउँपालिका घर भएका २७ वर्षीय सुशान्त नेपालीको मृत्यु भएको हो। मोरङको लेटाङ नगरपालिका(२ का ३४ वर्षीय देवी लिम्बूको अवस्था गम्भीर छ। उहाँको सिन्धुली अस्पतालमा उपचार भइरहेको छ।
इलाम देउमाई नगरपालिका(८ का ५३ वर्षीय सनबहादुर तामाङ, काठमाडौँ कागेश्वरी मनोहरा नगरपालिका(५ का २८ वर्षीया श्वेता गिरी, सोही स्थानका २८ वर्षीय सञ्जय रोक्का, झापाको बाह्रगढी गाउँपालिका(१ का २७ वर्षीय किस्कु मण्डल घाइते भएको उनले जानकारी दिए।
