काठमाडौं। मंगलबार नेप्से परिसूचक ३९.४४ अंकले घटेर २७४४.४० विन्दुमा कायम भएको छ। सेन्सेटिभ इण्डेक्स ५.१५ अंक, फ्लोट इण्डेक्स २.५५ अंक र सेन्सेटिभ फ्लोट इण्डेक्स १.८९ अंक घटेको छ।
नेप्से घटेपनि यस दिन कारोबार रकम भने ५ करोडले बढेको छ। मंगलबार ३३८ स्टकको ६२ हजार ५१२ पटकको कारोबारमा ४ अर्ब ६६ करोड ५० लाख २० हजार रुपैयाँबराबरको १ करोड ६ लाख ७८ हजार कित्ता शेयर खरिदबिक्री भएको छ। सोमबार ४ अर्ब ६१ करोड रुपैयाँबराबरको कारोबार भएको थियो।
सकारात्मक सर्किट लागेको धौलागिरी लघुवित्त वित्तीय संस्थाको शेयरमूल्य १९५ रुपैयाँ बढेर १ हजार ३९५ रुपैयाँमा अन्तिम कारोबार भएको छ। फस्ट माइक्रोफाइनान्स लघुवित्त वित्तीय संस्थाको शेयरमूल्य भने मंगलबार सर्वाधिक १२।४० प्रतिशतले घटेको छ। कारोबार रकमका आधारमा शीर्ष स्थानमा रहेको नेशनल हाइड्रोपावरको १८ करोड ९९ लाख रुपैयाँबराबरको शेयर किनबेच भयो। रिलायन्स स्पिनिङ्ग मिल्सको १८ करोड र रिडी पावर कम्पनीको कारोबार रकम १७ करोड बढीको कारोबार भयो।
१३ उपसमूहमध्ये आज १२ उपसमूहको परिसूचक घटेको छ। म्युचुअल फण्ड उपसमूहको परिसूचक भने सामान्य अंकले बढेको छ।
