काठमाडौं । नेकपा माओवादी केन्द्रका अध्यक्ष पुष्पकमल दाहालले आगामी स्थानीय तहको निर्वाचनमा कम्तीमा २५० पालिका जितेर माओवादी केन्द्रलाई पहिलो पार्टी बनाउने दाबी गर्नुभएको छ ।
नेकपा माओवादी केन्द्रले मोरङको ग्रामथान गाउँपालिका ५ तेतेरियामा आयोजित कार्यक्रममा अध्यक्ष दाहालले २०७९ को स्थानीय तह निर्वाचनमा तेस्रो बनेको माओवादीलाई यस पटक ग्रामथानवासीले पहिलो बनाएर पालिका अध्यक्षमा जिताउनु रणनीतिक महत्वको विषय भएको उल्लेख गर्नुभयो ।
गत मंसिर १६ गतेको स्थानीय तहको निर्वाचनबाट पूर्वले माओवादी केन्द्रलाई नयाँ उचाईमा उठाउने सन्देश दिएको उल्लेख गर्दै अध्यक्ष दाहालले ग्रामथानबासीका लागि आफ्नोे निवास खुला गरिने र जनताको समस्या समाधानका लागि प्रतिवद्ध रहेको बताउनुभयो । केन्द्रीय समिति बैठकको दस्ताबेजमा आफूले ग्रामथानको नामै उल्लेख गरेर देशभरी विजयको सन्देश प्रवाह गरिएको भनाई अध्यक्ष दाहालको छ ।
माओवादी केन्द्रकै कारण आम उत्पीडित जनताले अधिकार पाएको उल्लेख गर्दै अध्यक्ष दाहालले अब यसलाई कार्यान्वयन गर्दै देशबाट भ्रष्टाचारीलाई लखेट्नका लागि फेरि माओवादी केन्द्रलाई बहुमत दिन आग्रह समेत गर्नुभयो ।
