काठमाडौं। नेपाल प्रहरीले मुस्ताङको लोमान्थाङ गाउँपालिका–४ नेचुंगबाट २ करोड बढीको विद्युतीय चुरोट (भेप) बोकेको कन्टेनरसहित १ जनालाई नियन्त्रणमा लिएको छ। पक्राउ पर्नेमा कन्टेनर चालक सिन्धुपाल्चोकको सुनकोशी गाउँपालिका ५ का ३२ वर्षीय पेमा लामा रहेका छन्।
भएको सशस्त्र प्रहरीका डीएसपी शैलेन्द्र थापाका अनुसार ना ६ ख ७५९१ नम्बरको कन्टेनरमा चीनबाट अवैध रूपले नेपाल भित्र्याउँदै गरेको अवस्थामा २ करोड २४ लाख ५९ हजार ३ सय २० रुपैयाँ बराबरको भेप बरामद भएको हो । नेपाल–चीन सिमानाको कोरोला नाका अगाडिबाट ८० कार्टुन भेपसहित लामालाई नियन्त्रणमा लिइएको हो ।
बरामद गरिएको सम्पूर्ण इलेक्ट्रिक चुरोट मुस्ताङ भन्सार कार्यालयमा बुझाइएको छ भने पक्राउ परेका पेमा लामालाई थप अनुसन्धान तथा कारबाहीका लागि इलाका प्रहरी कार्यालय छोसेरमा पठाइएको छ।
