काठमाडौं। कर्णाली राजमार्गअन्तर्गत कालिकोटको कालेखोलामा सडक भासिएपछि सुर्खेत–जुम्ला खण्ड पूर्ण रूपमा अवरुद्ध भएको छ। गए राति सडक भासिएको जानकारी प्राप्त भएपछि मर्मतसम्भारका लागि उपकरणसहित आवश्यक जनशक्ति परिचालन गरिएको सडक डिभिजन कार्यालयका प्रमुख दीपेन्द्रकुमार चौधरीले जानकारी दिए।
उनले मर्मतसम्भारको काम पूरा गर्न केही समय लाग्ने भएकाले वैकल्पिक बाटो प्रयोग गर्न सम्बद्ध सबैलाई अनुरोध गरेका छन्।
