काठमाडौं। त्रिभुवन विश्वविद्यालयले आगामी मङ्सिर २७ गते नीति अधिवेशन (सिनेट) बोलाएको छ । गत साउन १५ गते बसेको त्रिवि सभा (सिनेट) मा नीतिबारे छलफल नभएपछि अहिले विद्यमान नीतिबारे छलफल गर्न नीति अधिवेशन बोलाएको हो ।
त्रिवि प्रवक्ता यमनबहादुर बोहराका अनुसार नियम कानुनसँग सम्बन्धित विभिन्न एजेन्डाहरूमा छलफल हुनेछ । त्रिविले ऐनका विभिन्न प्रावधानहरू संशोधनको तयारी गरेको छ । अधिवेशनबाट ऐन संशोधन हुनेछ ।
त्रिविको हिउँदे अधिवेशनका नामले समेत चिनिएको नीति अधिवेशनले महत्त्वपूर्ण निर्णयहरू पारित गर्नेछ । त्रिविले यस विषयमा सरोकारवाला निकायसँग छलफल थालेको छ ।
सभा सदस्य तथा त्रिवि स्ववियु सभापति श्यामराज ओझाले आफूले समेत अधिवेशनका लागि तयारी गरिहरेको बताए । उनले देशभरका स्ववियुहरूसँग सुझाव माग गरेका छन् ।त्रिविमा बर्खे र हिउँदे गरी वर्षमा दुई पटक सभा बस्नुपर्ने व्यवस्था छ । सोही आधारमा त्रिविले हिउँदे अधिवेशन बोलाएको हो ।
