काठमाडौं । अन्तर्राष्ट्रिय महिला च्याम्पियनसिपमा आज घरेलु टोली नेपाल र लेबनान भिड्दै छन् । त्रिपुरेश्वरस्थित दशरथ रगंशालामा हुने खेल साँझ ६ बजे शुरु हुनेछ । पहिलो खेलमा किर्गिस्तानलाई १–० ले हराएको नेपाली टोली आजको खेलमा पनि सोही नतिजा दोहोर्याउने योजनामा छ । नेपाली टोली लगातार दोस्रो जित निकाल्दै फाइनल खेल्ने सम्भावना बलियो बनाउन चाहन्छ ।
उता पहिलो खेलमा म्यानमारसँग ३–१ ले पराजित लेबनान पहिलो जितको खोजीमा हुनेछ । लेबनान नेपाललाई हराउँदै फाइनल खेल्ने सम्भावना कायम राख्न चाहन्छ । प्रतियोगिताको पहिलो खेल जितेको म्यानमार शीर्ष र नेपाल दोस्रो स्थानमा छन् । अंक तालिकामा समान ३ अंक भए पनि गोल अन्तरमा नेपाल पछि परेको हो । अंकविहीन किर्गिस्तान तेस्रो र लेबनान अंक तालिकाको पुछारमा छन् ।
आजै हुने पहिलो खेलमा किर्गिस्तान र म्यानमार भिड्दै छन् । सो खेल दिउँसो २ बजे हुनेछ ।
