काठमाडौं। सर्वोच्च अदालतमा पूर्वन्यायाधीश प्रकाश वस्तीको निधनको शोकमा आइतबार सबै मुद्दाको सुनुवाइ स्थगित हुने भएको छ । सर्वोच्च अदालत बाहेक अरु उच्च र जिल्ला अदालत अनि न्यायाधीकरणमा भने मुद्दाको सुनुवाइ प्रभावित हुनेछैन ।
‘उहाँको अन्त्येष्टीपछि सर्वोच्च अदालतको पूर्ण बैठकले भर्खरै निधनप्रति शोक व्यक्त गरेको छ’ सर्वोच्च अदालतका प्रवक्ता अच्यूत कुइँकेलले भने, ‘पेशी सूची प्रकाशित भएपछि आज सबै मुद्दाको सुनुवाइ स्थगित हुनेछ । आइतबार बिहान पशुपति क्षेत्र परिसरको विद्युतीय शवदाहगृहमा वस्तीको अन्त्येष्टी भएको छ ।
