काठमाडौं । इंग्लिस क्लब म्यानचेस्टर सिटीले इंग्लिस प्रिमियर लिगमा न्युक्साल युनाइटेडविरुद्ध २–१ को कठिन जित निकालेको छ । आइतबार म्यानचेस्टरलाई घरेलु मैदान इतिहाड रंगशालामा जित दिलाउन निको ओराइलीले दुई गोल गरे । न्युक्यासलका लेविस हलले गोल गरे पनि टोलीको हार टार्न सकेनन् ।
खेलको १४औँ मिनेटमा ओराइलीले म्यानचेस्टरलाई अग्रता दिलाए । तर, सिटीले यो अग्रता भने लामो समयसम्म जोगाउन सकेन । २३औँ मिनेटमा न्युक्यासलका हलले टोलीको निम्ति बराबरी गोल फर्काए । २७औँ मिनेटमा ओराइलीले दोस्रो व्यक्तिगत गोल गर्दै सिटीलाई २–१ को अग्रतामा राखे । सिटीले यही अग्रतालाई अन्तिम समयसम्म जोगाउँदै जित निकालेको हो ।
जितसँगै दोस्रो स्थानमा रहेको सिटीले लिगमा ५६ अंक जोडेको छ । पराजित न्युक्यासल भने ३६ अंकका साथ ११औँ स्थानमा छ ।
