काठमाडौं। आईसीसी विश्वकप लिग–२ अन्तर्गत नेपालले यूएईलाई २३४ रनको लक्ष्य दिएको छ। आईसीसी एकेडेमी ग्राउण्डमा टस जितेर ब्याटिङ थालेको नेपालले अन्तिम बलमा अलआउट हुँदै २३३ रन बनायो। नेपालका लागि कप्तान रोहित पौडेलले शतक प्रहार गरे । उनले १३० बलमा ५ चौका र २ छक्काको सहयोगमा १०९ रन जोडे ।
दुबई इन्टरनेशनल क्रिकेट मैदानमा टस जितेर ब्याटिङ रोजेको नेपालको खेलमा रोहितलाई ओपनिङमा आसिफ शेखले साथ दिए, जसले ४८ बलमा ४ चौकासहित ३५ रन बनाए । आसिफ आउट भएपछि दीपेन्द्र सिंह ऐरी २३ रन र आरिफ शेख २७ रन बाहेक अन्य ब्याट्सम्यानले ठूलो स्कोर बनाउन सकेनन्। कुशल भुर्तेल ७ रन र करण केसी १३ रनमा आउट भए। यूएईका लागि बलर जुनैद सिद्दीकी सबैभन्दा सफल रहे। उनले १० ओभरमा मात्र ५४ रन खर्चेर महत्त्वपूर्ण ३ विकेट लिए।
